Çengiz Bəxtavər Təbriz zindanından məktub yazıb
21/07/2007
Azərbaycanlı fəal Təbriz zindanında qanunsuz saxlanılır - yükləmək üçün
- Azərbaycanlı fəal Təbriz zindanında qanunsuz saxlanılır
 |
| Çengiz Bəxtavər |
İranda Azərbaycanlıların milli hüquqları uğrunda mübarizədə xüsusi yeri olan Bəxtavər ailəsinə təzyiqlər davam edir. Tanınmış hərəkat fəalı Çengiz Bəxtavər Təbriz zindanından yazdığı məktubunda İran hökumətinin ona və ailəsinə qarşı basqılarından beynəlxalq təşkilatlara şikayət edib.
Mayın 20-də iş yerində həbs olunan Çengiz Bəxtavər hələ də rəsmi ittiham irəli sürülmədən saxlanılır.
Onun qardaşı Cahanbəxş Bəxtavər bir neçə ay həbsdə qaldıqdan sonra şərti azadlığa buraxılıb. Bu barədə Amerikanın səsinə Çingiz Bəxtavərin oğlu Babək məlumat verib.
Cahanbəxş Bəxtavəri 2006-cı ilin iyununda Babək qalasına yürüşlə bağlı
 |
| Babək Bəxtavər |
Azərbaycan Azadlıq Hərəkatı adından vərəqələr yaymaqda və bu təşkilata üzvlükdə günahlandırılaraq həbs etmişdilər. Babək Bəxtavər əmisinin keçən il iki aylıq həbsi zamanı işgəncələrə məruz qaldığını deyir.
Bu il 22 may – 2006-cı ilin May hərəkatının ildönümü ərəfəsində aprel ayında Cahanbəxş Bəxtavəri həbs edərək keçən ilki ittihamlarla məhkum olunduğu 6 aylıq həbs cəzasının icrasına başlayıblar.
Babəkin atası Çingiz Bəxtavərə qarşı isə hələ rəsmi ittiham irəli sürülməyib və o, işgəncələr altında həbsdə saxlanılır.
Çengiz Bəxtavər bu günlərdə məhbəsdən yazdığı məktubunda ona edilən təhdid və təzyiqlərdən söz açır. O, Təbriz zindanının işgəncələri ilə dünyaca məşhur olan Evin zindanından da dəhşətli olduğunu, istintaq zamanı özünün ölümlə hədələndiyini qeyd edir. “Bu işlər hamisi Azərbaycan Türk millətinin beynəlxalq prinsiplər və konvensiyalara üyğün olaraq haqlarini mudafiə və tələb etmək üzrə mubarizəmizə görə baş verir ki, bu haqlar hətta İran İslam Respublikasının ana qanununda da əksini tapıb. Bütün bunlar məni ideyalarımdan və milli hüqüqlrimizi mudafiə etməkdən çəkindirmək məqsədi daşiyir,” deyə cənab Bəxtavər məktubunda qeyd edir.
Çengiz Bəxtavər yazır ki, müstəntiqlər oğlu Babəkin və digər ailə üzvlərinin milli hüquqlar uğrunda fəaliyyətinin onun həyatı üçün təhlükə yaratdığını deyir, və İranda 1999 ildə baş vərən zəncirvar siyasi qətlləri xatırladırlar. Çengiz Bəxtavər məktublarında ona qarşı rəsmi ittihamın irəli sürülmədiyini, istintaq zamanı isə xariclə əlaqələri barədə sorğu suala tutulduğunu yazır.
Babək Bəxtavər atasının həbsindən sonra həftələrlə onun harada olduğundan xəbərdar olmadıqlarını deyir. Onun sözlərinə görə, anası hər dəfə Çengiz bəylə görüşə gedərkən təhqirlərə məruz qalır.
Çengiz Bəxtavər məktubunda İran hökumətinə qarşı kəskin ittihamlarla çıxış edir, özünə və ailəsinə olan təzyiqlərə son qoyulması üçün Beynəlxalq təşkilatlardan İran hökumətinə təzyiq edilməsini istəyir.
Abbas Lisaninin məhkəmə qərarı açıqlanıb
Mayın 16-da Abbas Lisaninin işinə baxan Təbriz şəhər Məhkəməsinin qərarı açıqlanıb
Təbriz Şəhər Məhkəməsinin qərarıi İle Lisani 1 il bashqa Hebse Mehkum Oldular
Məhkəmədə keçirilən prosesdə isə A. Lisani1382 ici gunesh ilinde Turkce teqvim neshrine dair ve 2006-cı ildə Bəzz qalasına yürüşün təşkilində ittiham
ireli sorulmishdi
Abbas Lisaninin həbsxana nəzarətçiləri tərəfindən təzyiqlərə məruz qalırı
Azərbaycan fəallarının ağır işgəncələrə məruz qaldığı bildirilir
Əbülfəzl Paşaoğlu
«Azərbaycan Məhbuslarını Müdafiə Komitəsi» (ASMƏK) növbəti hesabatında İran zindanlarında həbsdə olan azərbaycanlı fəallara qarşı işgəncələrin şiddətlənməsindən narahat olduğunu bildirib
Komitənin 16 iyul tarixli hesabatında bildirilir ki, vəziyyətləri haqda az məlumat əldə edilən məhbuslar, o cümlədən İlyas Yekanlı, Hüseyn Fərhudə, İrəc Naci, Səid Mətinpur, Cəlil Qənilu və hazırda Təbriz zindanında saxlanılan yeniyetmə fəal Məhəmmədrza Əvəzpur böyük ehtimalla işgəncə edilib və onlara qarşı fiziki, mənəvi təzyiqlər hələ də davam edir
Bu məlumatı son vaxtlar həbsdən azad edilən şəxslərin müşahidələri əsasında topladığını bildirən ASMƏK başqa faktlara da əsaslanır. Belə ki, bu yaxınlarda İranın rəsmi televiziyasında siyasi məhbusların «etirafları» daha çox göstərilir. Bunun da ümumiyyətlə mənəvi və fiziki işgəncələr nəticəsində əldə edildiyinə inanılır. Eyni zamanda adı çəkilən fəalların ailələri ilə görüşünə icazə verilmir və onların çoxunun harada saxlanıldıqları belə məlum deyil
Digər tərəfdən «Bay Bak» xəbər saytı iyulun 18-də Təbriz zindanında saxlanılan tanınmış fəal Çingiz Bəxtavərin üç səhifədən ibarət əl yazısını dərc edib. Cənab Bəxtavər BMT-nin İnsan Haqları Şurası və başqa beynəlxalq təşkilatlara etdiyi 13 iyul tarixli müraciətində İranda azərbaycanlı fəalların davamlı olaraq təhdid və təzyiqlər altında olduğunu, özü və başqalarının qeyri qanuni həbslərdən sonra ruhi və cismi əziyyətlərə məruz qaldığını bildirir
Saleh Kamranlı 1200 dollar ödəyəcək
Tehranın 42 saylı məhkəməsi tanınmış vəkil, Milli Hərəkat fəalı Saleh Kamranlıya 2 min dollar cərimə kəsib. GAMOH-un Quzey Azərbaycan təmsilçiyindən "OLAYLAR"a daxil olan məlumata görə, bundan öncə Tehranın 13 saylı İnqilab Məhkəməsi S.Kamranlını nizamın əleyhinə fəaliyyət göstərməkdə suçlandıraraq 5 il azadlıqdan məhrum etmişdi. 42 saylı məhkəmə işə yenidən baxıb və cərimə cəzası çıxarıb. Qeyd edək ki, S.Kamranlı ötən il qeyri-qanuni olaraq oğurlanmış və 3 ay həbsdə saxlanmışdı
OLAYLAR
Azərbaycanda dostaqda olan fəallara olan təziyq get gedə artmaqdadi
Abbas Lisani 2 hafta aiyləsi ilə göruşdən men edilib
Ərdəbil zindaninda saxlanilan Azərbaycanli fəaal Abbas Lisani zindan yetkililəri əmrinə qarşi çixmaq uçun 2 hafta aiyləsi ilə göruşdən men edilib
Bu barədə Ərdəbildən xəbər gəlibdir ki İttilaat, Zindan rəiysi və Ərdəbil məhkəməsi rəiysi Abbas lisanidən istəiyblər özünü psikologia xastaliqlar bölümünə tanitdirsin. Lisani bəisə bu işdən imtina edir
Abbas Lisaninin hayat yoldaşi bildiribdir ki Abbas bəy əgər məmurlarla işbirligi aparmazsa, onu Kirman yada Əhvaz şərinə sürgün edəcəklər, bu bilgiləri Abbas bəiyn vəkili aiyləyə verib
Azərbaycanda dostaqda olan fəallara olan təziyq get gedə artmaqdadi
ÜÇ AY ƏVVƏL TUTULMUŞ DÖRD TƏBRİZLİ FƏAL AZADLIĞA ÇIXIB
Təbriz həbsxanasında saxlanan azərbaycanlı fəallardan dördü iyulun 16-da azadlığa çıxıb. Bu barədə «Media forum» saytına Demokratik Dünya Azəbaycanlıları Konqresinin üzvü Sirus Azadi məlumat verib.Məlumatda bildirilir ki, Hüseyn Nəsiri və Nurullah Həsəniyan 30 milyon, Cavad Səlmani 40 milyon, İbrahım Fərəczadə isə 70 milyon tümən həcmində mülk girovu qoyduqdan sonra sərbəst buraxılıb. Onlar üç ay əvvəl həbs olunmuşdular.
Amerikanın səsi ▪ Azerbaijan
| Hüquq müdafiəçiləri Zəncan fəallarının həbsi ilə bağlı narahatlığını bildirir | |
| 14/07/2007 |
Səid Mətinpur və Cəlil Qənilunun işgəncələrə məruz qaldığı ehtimal olunur - yükləmək üçün 
- Səid Mətinpur və Cəlil Qənilunun işgəncələrə məruz qaldığı ehtimal olunur
İran Azərbaycanına pəncərə proqramını dinləyirsiniz. Hüquq müdafiəçiləri İranın Zəncan şəhərində mayda həbs olunmuş fəalların vəziyyəti ilə bağlı narahatlığını ifadə edir
İyulun 3-də Sərhədsiz jurnalistlər təşkilatının da haqqında bəyanatla çıxış etdiyi 6 jurnalistdən biri – Səid Mətinpur mayın 25-də həbs olunub
Qeyd edək ki, İranın Azərbaycan dilli qəzetlərində yazıları ilə məşhur olan cənab Mətinpur və onun qardaşı Əlirza Mətinpur ana dili günü ilə bağlı aksiyalardan sonra da həbs edilmiş, təqribən 10 gündən sonra azadlığa buraxılmışdılar
Mayın 25-də həbs edildikdən sonra Səid Mətinpura bir dəfə də olsun ailəsi ilə görüşmək imkanı verilməyib. O, Tehranın işgəncələri ilə məşhur olan Evin zindanına aparılıb və keçən həftə yenidən Zəncan həbsxanasına qaytarılıb
Bundan sonra evə zəng edən Mətinpur sağ olduğunu deyib
Azərbaycan Siyasi Məhbusları Müdafiə Komitəsinin (ASMEK) sözçüsü Əlirza Quluncu İran hökumətinin Zəncanda fəallara qarşı xüsusi qəddarlıq nümayiş etdirdiyini deyir
Mətinpurun və onunla eyni gündə həbs olunan və Tehranın Evin zindanına aparılan Cəlil Qənilunun işgəncələrə məruz qalması ilə bağlı narahatlıq var
Əlirza Quluncunun sözlərinə görə, Zəncanda həbs olunan daha iki fəalın - Behruz Səfəri və Hüseyn Rəhmətinin ailəsi edilən təhdidlərə görə hətta həbs faktını belə təsdiqləməkdən şəkinir
TEHRAN AZƏRBAYCANI TALAN EDİR
Güneyin Tikab rayonundakı yataqlarda 8 milyon ton qızıl ehtiyatı var
Ötən illərin təcrübəsi göstərir ki, İran rəhbərliyi çətinliyə düşəndə Azərbaycan türklərini yardıma çağırır. Amma qos-
onun təbii sərvətlərini talan etməkdən də əl çəkmir
>>>>>>
Ərdəbildə aksiya
Camaat benzinin qiymətinin artması ilə razılaşmır
İranda benzin böhranı davam edir. "OLAYLAR"a daxil olan məlumata görə, benzinin satışına qoyulan məhdudiyyət Ərdəbilin iqtisadiyyatına zərbə vurub. Ziyan xüsusilə turizm sektoruna dəyib. Narazı ərdəbilli iş adamları ostandarın binası qarşısına toplaşaraq etirazdarını bildiriblər. Polislə qarşıdurma zamanı bir neçə nəfər həbs edilib
Amerikanın səsi ▪ Azerbaijani
|
İranda azərbaycanlılara qarşı təzyiqlər artıb: ASAM-ın experti Arif Kəskinlə Müsahibə | |
10/07/2007 |
ASAMIN Experti Arif Kəskinlə müsahibə - yükləyin 
Ankaradakı Avrasya Strateji Araşdırmalar Mərkəzinin Yaxın Şərq üzrə experti Arif Keskinlə ötən ilin May hadisələrindən sonra İranda Azərbaycanlılara qarşı təzyiqlərin artması haqqında Bulud Mehmandarlının müsahibəsi
Behruz Alizadeh Azadliqa Buraxildi
۱۴ Ay hebsde qalan Guney Azerbaycanli Genc Herekat Feali Behruz Alizadeh Ardabil Zindanindan Azadliqa buraxilib.
Ardabilli feal kecen il Ardabil de May Ayinin Etirazlari zamani hebs edilib 10 aya ve 1 Mehr Oxullarin Achlishi zamani hebsindede 6 aya mehkom olmushdir.
Feal Daim həbsxana nəzarətçiləri tərəfindən təzyiqlərə məruz qaldığını da söyləyib.
Bakıya səfər edən fəallar İrana qayıtdıqdan sonra həbs olunur
Əbülfəzl Paşaoğlu
«Urmu News» saytının iyulun 10-da yaydığı xəbərə əsasən, onlar ETTELAAT-ın təcridxanasına aparılıb və bu günə qədər həbsdə saxlanılır.
Həbs edilənlərin ailə üzvlərinin verdiyi məlumata görə, Bakıda səfərdə olarkən ETTELAAT onların İrana qayıtmasını tələb edib. Onlar İrana daxil olanda Astara sərhədində nəzarət altına alınıb, Ərdəbilin ETTELAAT idarəsinin təcridxanasına aparılıb. On gün orada saxlandıqdan sonra yaşadıqları Sulduz şəhərinin ETTELAAT idarəsinə təhvil veriliblər və artıq 10 gündur ki, Nəqədə zindanında saxlanılırlar
Hazırda həmin zindanda saxlanan digər bir fəal Əmir Fərahani də Azərbaycana səfərdən sonra həbs edilib
Azərbaycanlıları təhqir edən karikaturalara qarşı 2006-cı ilin may ayında keçirilən kütləvi etirazlar Sulduzda polisin nümayişçilərə atəş açması və dörd nəfərin qətlə yetirilməsi ilə nəticələnmişdi. Mayın 24-də baş verən bu hadisənin ildönümü münasibəti ilə şəhər əhalisi həlak olanların məzarı üstə toplaşan vaxt 30-a yaxın insan nəzarət altına alınmışdı
Bu hadisələrdən sonra Sulduzda təhlükəsizlik tədbirləri, fəallar və onların ailələrinə qarşı təzyiqlər daha da artıb
Sulduzun tanınmış fəallarından İbrahim Moini bu yaxınlarda 10 ay həbsə məhkum edilib və Urmiyə zindanında saxlanılır
Hərəkatçılar 4 ay iş aldı
Güney Azərbaycan Milli Hərəkatının iki fəalına 4 ay həbs cəzası verilib. Savalan Sesi xəbər agentliyinin verdiyi məlumata görə, Əsgər Əkbərzadə və Mənsur Ciddi adlı milli hərəkatçılar konstitusion quruluşun əleyhinə təbliğat aparmaqda, bildirişlər paylamaqda və bölücülükdə suçlandırılıblar. Qeyd edək ki, Ə.Əkbərzadə Ərdəbil universitetinin kimya fakültəsinin tələbəsidir. 15 gün bundan öncə həbs edilmiş hərəkatçı gizli təcridxanalardan birində işgəncə altında saxlanılıb. Onun və hərəkat yoldaşının həbsi haqqında qərar iyulun 6-da çıxarılıb
azadlıq radiosu:
Yeniyetmə fəal təhlükəli cinayətkarlarla birgə saxlanılır
Əbülfəzl Paşaoğlu
İyunun 19-da nəzarət altına alınan gündən bəri harada saxlanıldığı bilinməyən 16 yaşlı Məhəmmədrza Əvəzpurun Təbriz zindanının təhlükəli cinayətkarların qaldığı 4-cü korpusunda saxlanıldığı xəbər verilir.
«Urmu News» xəbər saytına bu haqda məlumat verən gənc fəalın atası Sadıq Əvəzpur bildirib ki, hələ də oğlunun həbs edilməsinin səbəbini öyrənə bilmədiyi halda onun cinayətkarlarla bir yerdə saxlanılması xəbəri ailəni dəhşətə salıb.
Məhəmmədrza Əvəzpurun valideynləri 20 gün bundan əvvəl nəzarət altına alınan övladlarının hansı həbsxanaya aparıldığını bu günə qədər öyrənə bilməmişdi.
İyunun 19-da «Bəsic» adlanan hökumətin könüllülər dəstəsinin üzvləri Təbrizin «Yekə Dükan» məhəlləsində yaşayan Əvəzpur ailəsinin evinə hücum edərək 16 yaşlı Məhəmmədrzanı nəzarət altına almışdılar.
Ötən il Məhəmmədrza Əvəzpur Azərbaycan dilində tədris tələbi ilə keçirilən aksiyalar zamanı iki qardaşı Mustafa və Murtuza ilə birlikdə tutularaq bir müddət həbsə salınmışdı.
Bu hadisədən sonra insan hüquqları təşkilatlarına müsahibə verən gənc fəal istintaq zamanı 24 saat ayaqlarından asılaraq sorğu-suala tutulduğunu və bu müddət ərzində ona su belə verilmədiyini bildirmişdi.
Beynəlxalq insan hüquqları təşkilatı «Amnesty International» 2006-cı il oktyabrın 11-də Əvəzpur qardaşları haqda bəyanat verib.
http://www.azadliq.org/Article/2007/07/09/20070709114746277.html
Təbrizdə azərbaycanlıların keçirdiyi aksiya vəhşicəsinə dağıdılıbHəbs olunanlar və yaralananlar var
Babəkin doğum gününün Bəzz qalasında qeyd olunmasına yaradılan maneələrə etiraz əlaməti olaraq iyulun 7-də Təbriz şəhərində keçirilən aksiya İranın hüquq-mühafizə orqanları tərəfindən dağıdılıb
Güney Azərbaycan İnformasiya Mərkəzindən (GAİM) Sirus Azadinin APA-ya verdiyi məlumata görə, hüquq-mühafizə orqanları səhər saat 7:00-dan hazır vəziyyətə gətirilib və şəhəri ... davamı »
>>>>>>
Babək qurultayının son günü yeni həbslərlə nəticələnib
Əbülfəzl Paşaoğlu
Bu il iyunun 30-dan 7 iyula qədər Babək qurultayının qeyd edildiyi həftə İranın bir çox Azərbaycan şəhərində elan edilməmiş fövqəladə vəziyyət mövcud olub, məntəqədə polis və hərbi güvələrin sayı artırılıb
Buna rəğmən Azərbaycanın tarixi qəhrəmanı Babək Xürrəmdinə həsr edilmiş bu həftə ərzində müxtəlif şəhərlərdə şənlik mərasimi qeyd edilib. Mərasimin dinc şəraitdə keçirilməsinə baxmayaraq iştirakçılardan bir neçəsinin həbs edildiyi xəbər verilir
Şənbə iyulun 7-si səhər saatlarından Təbriz küçələrində hərbi vəziyyət hökm sürüb. Axşam saat 5-dən başlayaraq əhalinin şəhərin mərkəzi meydanlarında toplaşması ilə polis və hərb dəstələrin sayı da artırılıb. Buna baxmayaraq şəhərin müxtəlif yerlərindən Babəkin şəklini daşıyan balonlar göyə buraxılıb və atəşfəşanlıq olub
«Baybak» internet xəbər servisinin verdiyi məlumata əsasən gecə saat 9 radələrində «Bəsic» adlanan hökumət tərəfdarı könüllülər dəstəsinin adamları Təbrizin küçələrində toplaşan əhaliyə hücum edərək, şənlik mərasiminə son qoyub, bir neçə iştirakçını nəzarət altına alıblar
Həbs edilənlər arasında Həmid Purvəli adında 27 yaşlı bir fəalın olduğu bildirilir. Təbrizin Babək mərasimində tutulan başqalarının adı hələ bəlli deyil
Bir gecə bundan əvvəl- iyulun 6-da Urmiyədə keçirilən şənlik mərasimdə tanınmış fəallardan Kərim Paşayinin həs edildiyi bildirilir
«Urmu News» xəbər agentliyinin verdiyi məlumata görə Kərim Paşayi Urmiyənin «Şəhər Çayı» adlı sahil parkında keçirilən şənlik mərasimində atəşfəşanlıqlara baxan vaxt təhlükəsizlik qüvvələri tərəfindən nəzarət altına alınıb. Onun həyat yoldaşı dərhal etiraz etməyə başlayıb və iştirakçıların qarşısında çıxış edib. Xanım Paşayinin nitqindən həyəcana gələn əhalinin etirazları silahlı qüvvələrin müdaxiləsi ilə dayandırılıb
Urmiyənin «Ərteş» meydanında qəzet köşkü olan cənab Paşayi bundan öncə 2006-cı il may ayının karikatura qalmaqalı və sentyabrda Azərbaycan dilinin məktəblərdə yasaq edilməsinə etiraz aksiyaları zamanı həbs və vəsiqə şərti ilə azad edilmişdi
Babək Xürrəmdinin ad günü kimi qəbul edilən tarix adətən Kəleybər şəhərinin yaxınlığındakı Bəzz, yaxud Babək qalasında qeyd edilir. Lakin, son iki il ərzində İran hökumətinin məntəqədə hərbi manevrlər keçirməsinə görə qalanın ətrafında toplaşmağa imkan tapa bilməyən əhali bu mərasimi şəhər mərkəzlərində qeyd edir
İran Azərbaycanında Babək həftəsi başa çatıb
İran Azərbaycanında Babək həftəsi başa çatıb. İran Azərbaycanındakı fəallardan aldığımız xəbərlərə görə, İran hökumətinin Bəzz qalası ətrafında hərbi manevrləri keçirməsi ucbatından qalaya yürüş bu il də baş tutmayıb.
Bu qadağa, bir çox şəhərlərdə kiçik lakin çoxsaylı tədbirlərin keçirilməsinə rəvac verib. Azərbaycanlıların milli mədəni hüquqları uğrundə hərəkatın tanınmış simalarından biri Qulamrza Əmaninin sözlərinə görə, Təbrizdə müxtəlif kiçik aksiyalar müşahidə olunub.
Cənab Əmani İran hökumətinin dinc aksiyaya icazə verməməsinə heç cür izah tapa bilmir.
Qulamrza Əmaninin sözlərinə görə, bu gün Təbrizli fəal hərəkatın tanınmış simalarından biri Çengiz Bəxtavərin qardaşı Cahanbəxş Bəxtavər bir aydan uzun sürən həbsdən sonra azadlığa buraxılıb. Çengiz Bəxtavərin keçən cümə axşamı keçirilən məhkəməsinin hökmü isə hələ elan olunmayıb.
2006-cı ilin may etirazlarının ildönümü ilə bağlı həbs olunan 300-dən artıq Təbrizlidən hələ də onlarla nəfərin həbsdə qaldığını bidlirən cənab Əmani, bunun hərəkatçıların əhval ruhiyyəsini sarsıtmadığını deyir.
Kərim Paşayi Urmu şəhrində oğurlanib
Urmu şəhrində qəzetə satmağla məşğul olan Kərim bəy daha öncə May qiamlarinin il dönümündə tutulub və vəsiqə qoyaraq buraxilmişdi
Bu hafta juma gecəsi Kərim Paşayi öz ayiləsi ilə milli qəhrəmanimiz Baybəkin doğum günü qutlamalari şənliklərə qatilaraq, Urmu şəhrində ƏlQədir parkina getmişdi. Orda şənlik və fişfişa atmaq ilə qutlamalar gərçəkləşmaqdaidi
Ancaq Paşayi bəy Ozəl Güclər (Yeqani Vijə) tərəfindən dövülərək özəl avtobusa mindirilir. Kərim bəyin hayat yoldaşi isə etirazlarinin dinlənmədigi uçun millət arasina gedib va öz danişiqlari ilə milləti etiraz etmege çaöirir
Günahsiz tutulan şəxsi qurtarmaq uçun Ozəl Quvvələr ilə millət arasinda tartişmalar başlayir ancaq tezliklə Kərim Paşayini bir mersedes avtomobilinə mindirərək ordan özaqlaşdirib və naməlum yerə aparirlar. Hələlik bu Azərbaycanli soydaşdan xəbər yoxdurş
Azərbaycanlı hüquq müdafiəçilərinin həbsi davam edir
Tehranın «Evin» həbsxanasında saxlanan tanınmış hüquq müdafiəçisi Səid Mətinpurun 40 gündən çoxdur istintaq altında olduğu xəbər verilir
Mayın 25-də İranın təhlükəsizlik idarəsi - ETTELAAT-ın əməkdaşları onun Zəncandakı evinə hücum edib, heç bir sənəd göstərmədən həbs etmişdilər. Onun Tehranın «Evin» zindanında saxlandığı isə bu yaxınlarda dəqiqləşib
Səid Mətinpurun həbsinə etiraz edən həyat yoldaşı Ətiyə Tahirinin Zəncan məhkəməsi və ETTELAAT-a müraciətləri indiyə qədər nəticəsiz qalıb
Xanım Tahiri «Dustaq» xəbər agentliyinə bildirib ki, ETTELAAT məmurları bu məsələyə israr etdiyi təqdirdə, onun özünün də həbs ediləcəyini söyləyiblər
Xanım Tahiri uzun müddətdən sonra iyulun 3-də həyat yoldaşının həbsxanadan evə zəng etdiyini bildirib
Səid Mətinpur qısa telefon söhbətində son 40 gün müddətində istintaq altında olduğunu və sorğu-sualların indiyədək davam etdiyini bildirib. O, əlavə edib ki, istintaqın yaxın günlərdə sona çatacağına və məhkəməyə göndəriləcəyinə inanır
«Media Forum» saytı bildirir ki, Mətinpur başqa Azərbaycan fəalı Cəlil Qənilu ilə «Evin» zindanının eyni korpusunda saxlanır, hər iki fəala istintaq vaxtı işgəncə verilir
Zəncanın tanınmış fəallarından olan Cəlil Qənilu və Səid Mətinpur bu il ərzində dəfələrlə həbs və mühakimə ediliblər
«Amnesty International» təşkilatı onların hər ikisini vicdan məhbusu hesab edir
TEHRAN HƏRƏKATÇILARI ŞƏRLƏYİR
Yeddigöz dağı sulduzlular üçün Babək qalasını əvəzləyib
İrana çeşidli səbəblərlə bağlı səfər etmiş iranəsilli əcnəbi ölkə vətəndaşlarına Tehran hakimiyyətinin "casus" damğası vurması xəbərini beynəlxalq ictimaiyyət narahatlıqla qarşıladı. Hətta onlara vəkillik etməyi boynuna götürənlər də dərhal tapıldı. Amma neçə illərdir Azərbaycan Milli Hərəkatının təəssübkeşləri milli ...
>>>>>>
Bəzz qalası bölgəsində komendant saatı
Yürüşçülər qalaya buraxılmayıb
Güney Azərbaycan Milli Hərəkatının Babək qalasına yürüşünə icazə verilməyib. GAMOH-un Quzey Azərbaycan təmsilçiliyindən "OLAYLAR"a daxil olan məlumata görə, qala ətrafına toplaşan hərəkatçılara dağa çıxmağa imkan verilməyib. Məlumata görə, dörd gün öncədən Kəleybər ətrafında hərbi postlar qurulub. Kəleybərli olmayanlar əraziyə buraxılmayıb. Başqa şəhərlərdən gələnlər tutularaq geri qaytarılır
İran yeniyetmələrin edamı üzrə liderdir
 |
Beynəlxalq insan hüquqları qrupu İranı yaşı 18-dən aşağı olan adamların edamına son qoymağa çağırıb. Human Rights Watch bildirir ki, İran dünyanın digər ölkələrindən daha çox sayda uşaq edam edir. Təşkilat İranın 2004-cü ildən bəri 17 belə edam həyata keçirdiyini deyir.
Bəzi yeniyetmələrin 15 yaşında törətdiyi cinayətə görə edama məhkum edildiyi bildirilir. İnsan hüquqları təşkilatının rəsmisi bildirib ki, İran uşaqların dar ağacına göndərilməsinə son qoymalı və yeniyetmələrə ölüm hökmünü arada götürməklə öz beynəlxalq öhdəliklərini yerinə yetirməlidir
| İrandan gələn azərbaycanlı qaçqınlar Bakıda problemlərlə üzləşir |
| 16/06/2007 |
Sərab şəhərində anadan olmuş İmaməli Nuri 8 ildən artıqdır ki, Azərbaycandadır. Onun sığınacaq haqqında müraciəti BMT Qaçqınlar üzrə Ali Komissarlığı tərəfindən qəbul olunub, amma hələ ki, cənab Nuriyə heç bir ölkə sahib durmur
Cənab Nurinin şikayəti təkcə BMT-dən deyil, həm də Azərbaycan rəsmi idarələrində süründürməçilikdəndir. Miqrantlara hüquqi yardım Mərkəzinin rəhbəri Əlövsət Əliyev deyir ki, qanuna görə, Azərbaycan respublıikası bütün azərbaycanlıların vətənidir
Amma ekspertə görə, Azərbaycanda ən çox əziyyət çəkən miqrantlar başqa ölkələrdən gələn azərbaycanlılardır. Məsələn İrana deportasiya olunan İran vətəndaşları da elə azərbaycanlılardır
Elə İmaməli Nurinin narahatlığına səbəb olan məsələlərdən biri də son zamanlar İrana deportasiya hallarının artmasıdır
İran hökumətinin nümayəndələri və xüsusilə də din xadimləri xaricdə sığınacaq istəyən vətəndaşların ABŞ və İsrail tərəfindən İranda iğtişaşlar törətmək üçün və rejim əleyhinə istifadə edildiyini deyir
ABŞ-ın Azərbaycandakı səfirliyinin ictimaiyyətlə əlaqələr şöbəsinin müdiri Conatan Heniksə deyir ki, Birləşmiş Ştatların belə niyyətləri yoxdur
Bununla belə Əlövsət Əliyevin sözlərinə görə, ABŞ-İran qarşıdurmasının hərbi müstəviyə keçməsi ilə bağlı söhbətlər İrandan qaçqınların artmasına səbəb olub
Bakıda daşınmaz əmlak alqı-satqısı ilə məşğul olan şirkətlər də siyasi gərginliyin artması ilə Azərbaycanda ev almaq istəyən İran vətəndaşlarının sayının artdığını bildirirlər. Birləşmiş Ştatlarsa İranla bağlı heç bir hərbi planının olmadığını bildirir
SƏRHƏDSİZ REPORTYORLAR HƏBSDƏ OLAN İRAN JURNALİSTLƏRİNİN ADLARINI AÇIQLAYIB
«İran jurnalistlərə təzyiq göstərən, media mənsublarına qarşı cürbəcür məhdudiyyətlər tətbiq edərək onları nəzarət altında saxlayan ölkələr arasında Orta Şərqdə birinci yeri tutur». «Sərhədsiz Reportyorlar» beynəlxalq jurnalist təşkilatının İranda altı jurnalistin həbsə salınması və jurnalistlərə qarşı təzyiqlərin göstərilməsi ilə bağlı iyulun 3-də verdiyi bəyanatda belə deyilir
«Media forum» saytının məlumatına görə, bəyanatda müxtəlif bəhanələrlə həbsə alınaraq təzyiqlərə məruz qalan 6 jurnalistin adları da verilir
Məhəmməd Sədiq Kəbudvənd («Kürdüstan xalqının səsi» həftəlik qəzetinin redaktoru. O, iki il əvvəl etnik mövzularda dərc etdiyi yazılarına görə İnqilab Məhkəməsində 1 il şərti həbs alıb və 5 illiyə jurnalist fəaliyyətindən məhrum edilib)
Səid Mətinpur (Tehranda Azərbaycan türkcəsində çıxan «Yarpaq» həftəlik qəzetinin əməkdaşı. İyun ayında həyat yoldaşı ilə birlikdə Zəncanda ETTELAAT əməkdaşları tərəfindən tutularaq Tehranın Evin həbsxanasına aparılıb. Hazırda zindanın ən qorxunc və qapalı korpusu sayılan 209-cu korpusda saxlanılır. Ailəsi və vəkilləri ilə görüşməsinə icazə verilmir)
Səid Məhəmmədi (Muğanlı) («Yarpaq» qəzetinin əməkdaşı. İyunun 22-də Bakı səfərindən İrana qayıdarkən Tehranın hava limanında ETTELAAT əməkdaşları tərəfindən tutulub. İki gün həbsdə saxlandıqdan sonra 100 min dollarlıq mülk girovu müqabilində sərbəst buraxılıb)
Məhəmməd Həsən Fəllahiyyə (İranın ərəb dilində verilişlər yayan «Əl-Aləm» telekanalının müxbiri. 7 aydır casusluqda günahlandırılaraq Evin həbsxanasının 209-cu korpusunda saxlanır. Ailəsi və vəkillərinin dediyinə görə, xəstə olduğu üçün ciddi müalicəyə ehtiyacı var)
Kavə Cavanmərd (Altı ay əvvəl jurnalist fəaliyyətinə görə Sənəndəc İnqilab Məhkəməsi tərəfindən iki il həbsə məhkum olunub)
Əli Fərəhbəxş (İqtisadi ekspert, Tehranda çıxan bir sıra qəzetlərin əməkdaşı. 7 ay əvvəl xarici səfərdən ölkəyə qayıdarkən Tehran aeroportunda ETTELAAT əməkdaşları tərəfindən casusluqda ittiham edilərək 3 il həbsə və 69 min dollar cəriməyə məhkum edilib)
Ədnan Həsənpur (Sənəndəcdə kürd dilində çıxan «Nasu» həftəlik qəzetinin əməkdaşı
5 aydan çoxdur naməlum ittihamla həbsdə saxlanır)
Urmiyada orijinal aksiya
Havaya milli şüarlar yazılmış balonlar buraxılıb
Güney Azərbaycanda Babək həftəsi davam edir. Güney Azərbaycan İstiqlal Partiyasından "OLAYLAR"a daxil olan məlumata görə, İranın hakim molla rejimi insanların Bəzz qalasına getməsinə maneə olsa da, ayrı-ayrı şəhərlərdə Babəkin doğum günü qeyd olunub. Urmiya hərəkatçıları orijinal aksiyaya əl atıblar. Onlar üzərinə milli şüarlar yazılmış hava balonlarını göyə buraxıblar. Üçrəngli böyük balonların üzərinə "Haray, haray, mən türkəm!", "Biz ölməyə hazırıq", "Biz Babəkin əsgərləriyik", "Qızıldan olsa qəfəsim, azadlığa var həvəsim" yazılıbmış. Havaya uçurulan balonların üzərində Babəkin şəkilləri də olub
Təbriz universitetinin oturaq aksiya keçirən tələbələri müxtəlif müddətə təhsildən məhrum ediliblər
İranda Azərbaycan milli hərəkatının tanınmış nümayəndələrindən olan Nadir Məhd Qarabağın həbsinə etiraz olaraq dəfələrlə Təbriz Universitetində oturaq etiraz aksiyası keçirmiş tələbələrdən 10 nəfəri iki semestr, 3 nəfəri isə bir semestr müddətinə təhsildən məhrum edilib.
«Media forum» saytının məlumatına görə, azərbaycanlı tələbələr universitet daxilində asayişi pozmaqda günahlandırılıblar.
Güneydən «Media forum»a daxil olan daha bir məlumatda bildirilir ki, 2006-cı ilin may-iyun aylarında keçirilən etiraz aksiyalarına görə Sulduz şəhərində tutulmuş milli fəal Əmir Fərahaniyə öz ailəsi ilə görüşməyə icazə verilmir.
İki övlad atası olan Ə.Fərahani separatçılıqda və pantürkist qrupları yaratmaqda günahlandırılır. Onun zindanda müxtəlif işgəncələrə məruz qaldığı bildirilir
Yeniyetmə fəalın harada saxlandığı bilinmir
Məhəmmədrza Əvəzpur
Bazar ertəsi, 25 iyun 2007
Əbülfəzl Paşaoğlu
«Urmu News» xəbər saytının verdiyi məlumata əsasən, iyunun 19-da «Bəsic» adlanan hökumətyönlü könüllülər dəstəsinin adamları Təbrizin «Yekə Dükan» məhəlləsində yaşayan 16 yaşlı Məhəmmədrza Əvəzpurun evinə hücum edərək onu naməlum istiqamətdə aparıblar
Əvəzpur ailəsi övladlarının bu günə qədər harada saxlandığını öyrənə bilməyib
>>>>>>
İranda yaşayan azərbaycanlılar bu həftəni
Babək həftəsi elan ediblər
Babək həftəsi elan ediblərGüney Azərbaycanda milli fəalların Bəzz qalasına yürüşünün başlanması ilə eyni zamanda “Babək həftəsi”nin də keçirilməsinə qərar verilib. Güney Azərbaycan Beynəlxalq Forumu Analitik-İformasiya Mərkəzinin direktoru Sadiq İsabəylinin APA-ya verdiyi məlumata görə, bu həftə ərzində Güney Azərbaycanın müxtəlif şəhərlərində anım və şənlik mərasimlərinin keçirilməsi planlaşdırılıb. Yerli polis Təbrizin giriş-çıxışını nəzarətə alaraq Babək qalasına aparan Əhər-Kəleybər yolu arasında onlarla post qoymasına baxmayaraq, milli hərəkatçıların böyük bir qrupu Bəzz qalasına çatıb və bayram tədbirləri keçiriblər. İyunun 30-da polis əməkdaşları Babəkin və həbsdə olan milli fəalların şəkillərini daşıyan bir neçə şəxsi həbs edib. Hazırda onların harada saxlanıldığı bəlli deyil. Qeyd edək ki, bu il Güney Azərbaycanda “Babək ili” elan olunub. S. İsabəyli həmçinin İranın rəsmi xəbər agentliklərinin Azərbaycanla bağlı xəbərlərin verilməsi zamanı Azərbaycanın dövlət bayrağını təhqir edərək, bayraqdakı rənglərin yerini dəyişdirdiyini də bildirib. Onun sözlərinə görə, “Fars” agentliyinin İranla Naxçıvan Muxtar Respublikası arasında viza rejiminin götürülməsindən sonra gediş-gəlişin artması ilə bağlı yaydığı xəbərdə hər iki dövlətin bayraqları yazının kənarında göstərilib. Yazıda Azərbaycan bayrağının üzərindəki rənglərin yeri dəyişdirilib. S. İsabəyli “Fars” agentliyi tərəfindən bu hadisənin dəfələrlə təkrarlandığını vurğulayıb
ABBAS LİSANİ və DİGƏR FƏALLAR ƏRDƏBİL HƏBSXANASINDA NARKOMANLIĞA GÖRƏ TUTULMUŞ MƏHBUSLARLA BİR YERDƏ SAXLANIR
Ərdəbil həbsxanasının rəhbərliyi milli fəalları, o cümlədən tanınmış fəal Abbas Lisanini narkomanlığa görə tutulmuş məhbusların korpusuna salmaqla onları narkotik məddələrə aludə etməyə çalışır. Güney Azərbaycandakı mənbələrdən «Media forum» saytına verilən məlumata görə, milli fəalların narkomanlıq üstündə tutulan məhbuslarla eyni kameralarda saxlanması milli fəalların ailə üzvlərinin narahatlığına səbəb olub
 |
|
Abbas Lisani |
Məlumatda o da bildirilir ki, Ərdəbil həbsxanasının rəhbərliyi azərbaycanlı fəalları narkotik üstündə tutulan məhbuslara məxsus çirkli yataq dəstlərindən, qab-qacaqdan, şəxsi gigienik vasitələrdən istifadəyə məcbur edir
Məlumatda qeyd edilir ki, məhbuslardan biri həbsxana rəhbərliyinin tapşırığı ilə tiryəki suda qarışdıraraq onu A.Lisaniyə içirtməyə çalışıb, lakin milli fəal məsələdən dərhal xəbər tutaraq suyu içməkdən imtina edib və həbsxana rəhbərliyinə etirazını bildirib. Ərdəbil həbsxanasının Ənzabi soyadlı rəisi A.Lisaninin şikayətinə məhəl qoymayıb
Güneydəki mənbələrin bildirdiyinə görə, Ərdəbil həbsxanasının rəhbərliyi azərbaycanlı fəalları narkomanlığa görə tutulmuş məhbuslarla bir yerdə saxlamaqla onların şəxsiyyətini və qürurunu əzməyə, milli fəalları narkotik məddələrə aludə edərək onları milli fəaliyyətdən uzaqlaşdırmağa çalışır
Ayağı sınan Abbas Lisani hələ də tibb məntəqəsinə köçürülməyib
“Ayağının sınmasına baxmayaraq, Abbas Lisani hələ də tibb məntəqəsinə köçürülməyib. Həbsxana rəhbərliyinin ona münasibəti çox pisdir və Abbasın heç bir istəyi, xahişi qəbul edilmir”. Bu sözləri APA-ya açıqlamasında İran türklərinin hüquqları uğrunda hərəkatın liderlərindən biri olan A. Lisaninin həyat yoldaşı Ruqəyya Lisani deyib. O bildirib ki, həbsxana rəhbərliyi heç bir müraciətə məhəl qoymur və siyasi məhbusa qərəzli münasibət davam etdirilir. A. Lisaninin hələ də cinayətkarlarla eyni kamerada saxlanıldığını vurğulayan R. Lisani mayın 16-da işə baxan Təbriz şəhər Məhkəməsinin qərarının hələ də açıqlanmadığını söyləyib
Qeyd edək ki, A. Lisani 2006-cı ilin may-iyun hadisələrindən sonra kütləvi aksiyaların təşkilində ittiham edilərək saxlanılıb və məhkəmənin qərarı ilə 1 il 6 ay müddətinə azadlıqdan məhrum edilib. Mayın 15-də Təbriz şəhər Məhkəməsində keçirilən prosesdə isə A. Lisani 2006-cı ildə Bəzz qalasına yürüşün təşkilində ittiham olunub. İyunun 21-də həbsxanada qeyri-müəyyən şəraitdə onun ayağı sınıb
20hərəkatçıdan xəbər yoxdur
Onların ETTELAATın gizli həbsxanasında olduğu bildirilir
İran rejimi Güney Azərbaycanda Milli Hərəkatçılara qarşı qanunsuz hərəkətlərini davam etdirir. GAMOH-un Quzey Azərbaycan təmsilçiliyindən "OLAYLAR"a daxil olan məlumata görə, ərdəbilli hərəkat fəalı Abbas Lisaninin həbsinə etiraz edən hərəkatçılardan 20-si barədə məlumat yoxdur. Qeyd edək ki, onlar Lisaninin həbsinə etiraz edərkən tutulublar. Davud Məhəmmədi, Hüseyn Məhəmmədi, Həsən Əsədi, Peyman Bəhrami, Nasir Bədr və digər hərəkatçılar artıq beş aydır ki, həbsə atılıblar. Ehtimal edilir ki, hərəkatçılar ETTELLAT-ın gizli həbsxanalarından birində işgəncə altındadırlar
Hərəkatçılar hədələnir
Güney Azərbaycanda Milli Hərəkat fəallarına qarşı təzyiqlər davam edir. məlumata görə, həbsdən təzəcə azadlığa çıxmış ərdəbilli hərəkatçılar Gestab Vasiqi və Mahmud Aslani təhlükəsizlik qüvvələri tərəfindən hədələniblər. Qeyd edək ki, fevralda həbs edilmiş hərəkatçılar üç ay Ərdəbil türməsinin 7-ci şöbəsində işgəncə altında saxlandıqdan sonra vəsiqə ilə azadlığa buraxılmışdılar
"Evin"də jurnalistə işgəncə verilir
Səid Mətinpur işgəncələrə məruz qalır
İranın təhlükəsizlik qüvvələri tərəfindən həbsə atılmış Güney Azərbaycan Milli Hərəkatının fəalı, yazıçı-jurnalsit Səid Mətinpura ağır işgəncə verilir. GAMOH-un Quzey Azərbaycan təmsilçiliyindən "OLAYLAR"a daxil olan məlumata görə, "Evin" türməsində saxlanan Səid Mətinpur ağır təhqirlərə və fiziki işgəncələrə məruz qalır. Qeyd edək ki, S.Mətinpur və onunla birgə işgəncəyə məruz qalan Cəlil Qənilu mayın 22-də yaxalanıblar
Zəncanda həbslər başlanıb -Ziyalılar təqib edilir
Zəncan şəhərində Güney Azərbaycan Milli Hərəkatına yaxın ziyalıların həbsi davam edir. GAMOH-un Quzey Azərbaycan təmsilçiliyindən "OLAYLAR"a daxil olan məlumata görə, hərəkatçılardan Hüseyn Rəhməti təhlükəsizlik məmurları tərəfindən yaxalanaraq ETTELAAT idarəsinə aparılıb. Qeyd edək ki, son bir ayda Hüseyn bəydən başqa daha 4 milli ruhlu ziyalı həbsə atılıb. Tanınmış ziyalı Behruz Səfəri də həbs olunanlar arasındadır
Hərəkatçı tələbə həbsdə saxlanıldı
Əkbər Paşayi qanunsuz həbs edilib
Urmiya Universitetinin sonuncu kurs tələbəsi, Milli Hərəkat fəalı Əkbər Paşayi həbs edilərək zindana göndərilib. GAMOH-un Quzey Azərbaycan təmsilçiliyindən "OLAYLAR"a daxil olan məlumata görə, hərəkatçının qardaşı bildirib ki, məhkəmədə Əkbər bəyin özünü sakit, təmkinli və məğrur aparması hakimin xoşuna gəlməyib və onun barəsində həbs qərarı qüvvədə saxlanılıb. Qeyd edək ki, türmədə olduğu üçün hərəkatçı tələbə imtahan verə bilməyib və bir il geri düşüb
Qoshachayli Feallar Azadliqa Buraxiliblar
Aldigimiz xeberler esasinda 26 juen qushachayli nece feal Urmiye Zindanindan Girovla Azadliqa Buraxiliblar.Agir dorumdamsaxlanilan va aileleri ile gorushmekden ozaqa qalan feallar 200,2000,000 riyal Vesiqe Qoymaqla Zindan dan cixdilar.
Bunlarin icində Shahin, heseni,behbud qulizadeh, celal kurdelilu, Ali Sulatani, Amir Aqazadeh, Veli Iztirabi Ve Mohsen feramerzi yer aliblar.
Saeed Muganli Azadliqa Buraxildi
Bir gun ettelat nezaretinde qalan Guney Azerbaycanli Shair ve yazar Azadliqa buraxilib.
Baki sheherinden qayidarken havalimaninda Saeed muganli "YARPAQ" Dergisinin bash redakturudor.
Səid bəy Muğanlı tutuqlandı
Bu gün səhər çağı Səidbəy Muğanlı şair yazıçı və Azərbaycan milli fəallı Tehranın Mehrabad Təyyarə meydanında tutuqlandı. Səidbəy keçən ay quzey Azərbaycana , bakıya səfəri olmuşdu və bu səfərdən qayıdcaq şəxsi paltarlı məmurlar vəsiləsilə tutuqlandı. Yaşmaq ədəbi dərgisinin yazıçılar heyətindən olan Səid Muğanlı tutuqlanandan sonra bəlli olmuyan məkana aparılıp. artiq məlumat ələ gəldikcə yollanacaqdır.
